“Azerconnect Group”un dəstəyi və “Women in Tech Azerbaijan”ın təşkilatçılığı ilə "Müxtəliflik, inklüzivlik və dayanıqlıq - COP29 perspektivindən qlobal təcrübənin öyrənilməsi" təşəbbüsünə dair silsilə seminarlar çərçivəsində ilk tədbir keçirilib.

“Həqiqi dəyişiklik üçün fərdlərin gücünün inkişaf etdirilməsi” mövzusuna həsr olunan ilk seminarda 23 şirkət iştirak edib. Tədbirdə “Azerconnect Group”, “Socar Cape LLC”, “EY Azerbaijan”, “Procter & Gamble” kimi şirkətlərin, həmçinin BMT-nin İnkişaf Proqramının nümayəndələri təqdimatlara çıxış edərək iştirakçılara müxtəliflik, inklüzivlik və dayanıqlıq üzrə qlobal təcrübə, bu sahədə həyata keçirdikləri uğurlu layihələr barədə ətraflı məlumat verib, dəstək məqsədilə onlara hazır həll yolları təklif ediblər.

“Azerconnect Group”un İnsan resursları üzrə baş müdiri Mətanət Babayeva öz çıxışında şirkətdə inklüziv iş mühitinin yaradılması və gender bərabərliyini təşviqinə istiqamətlənən layihələr, əməkdaşlar üçün keçirilən təlimlər barədə danışıb. Bildirilib ki, “Azerconnect Group” ən yaxşı beynəlxalq insan resursları təcrübələrini tətbiq etdiyinə görə iki il ardıcıl olaraq nüfuzlu “Top Employers Institute” tərəfindən “Ən Yaxşı İşəgötürən” kimi seçilən yeganə yerli şirkətdir. Qeyd olunub ki, yerli şirkətlər arasında ilk dəfə olaraq “Azerconnect Group” tərəfindən müxtəliflik, bərabərlik, inklüzivlik və mənsubiyyət prinsiplərinin təşviqinə həsr olunmuş ‘WE are ALL ONE’ adlı innovativ proqram həyata keçirilir.  Vurğulanıb ki, müxtəliflik, inklüzivlik və dayanaqlılıq kimi dəyərlərin tətbiqi şirkətlərin həm daxili, həm də xarici mühitdə uğur qazanmasına kömək edir, onlara strateji üstünlük qazandırır.

BMT-nin İqlim Dəyişikliyi Konfransı (COP29) ərəfəsində təşkil olunan təşəbbüsün əsas məqsədi müxtəliflik, inklüzivlik və dayanıqlıq üzrə yerli şirkətlərə qlobal təcrübəni ötürmək və təşkilatlararası fikir mübadiləsini təmin etməkdir.

“Azerconnect Group” ölkəmizin dinamik şəkildə inkişaf edən İKT və yüksək texnologiyalar sahələrində fəaliyyət göstərən şirkətdir. “Azerconnect Group” mobil, internet, beynəlxalq kanalların təşkili və FinTech, AdTech, Media/TV kimi rəqəmsal xidmətlər təqdim edir. “Azerconnect Group” müxtəlif ölkələrdə enerji, telekommunikasiya, yüksək texnologiyalar və tikinti sahələrində fəaliyyət göstərən “NEQSOL Holding” beynəlxalq şirkətlər qrupunun tərkibinə daxildir.
 

“Azerconnect Group” Böyük Britaniyanın Azərbaycandakı Ticarət Palatasının (BCCA) təşkilatçılığı ilə keçirilən “The Great Innovation” adlı xüsusi görüşdə iştirak edib. 

Dövlət və özəl təşkilatlardan 100-dən çox nümayəndənin qatıldığı tədbirdə “Azerconnect Group” tərəfindən innovasiya və rəqəmsallaşma sahələrində həyata keçirilən uğurlu layihələr və əldə olunan nailiyyətlər barədə ətraflı məlumat təqdim edilib. 

“Azerconnect Group”un baş direktorunun müavini Dövlət Dövlətov tədbirdə şirkətin ən son beynəlxalq təcrübə və standartlara uyğun təhlükəsiz əməliyyatlar mərkəzi, maliyyə xidmətləri (FinTech) sahəsində innovativ ödəmə sistemləri, istehlakçılara fərdiləşdişdirilmiş kontent təqdim etməyə imkan verən təkmil hədəfləmə alqoritmləri (AdTech) və digər qabaqcıl layihələr barədə danışıb. 

Eyni zamanda, cari ildə “Azerconnect Group” və dünyanın aparıcı telekommunikasiya şirkəti “Vodafone Group” arasında strateji tərəfdaşlıq müqaviləsinin imzalandığını vurğulanıb. Bildirilib ki, bu əməkdaşlıq ölkənin İKT sektorunun inkişafına töhfə verəcək, bu sahəyə qlobal təcrübə, o cümlədən innovasiya və yeni həll yolları gətirəcək. 

Bundan əlavə, qeyd olunub ki, hazırda Avropa ilə Asiyanı Azərbaycan vasitəsilə birləşdirən “Rəqəmsal İpək Yolu” (Digital Silk Way) layihəsi həyata keçirilir. Bu layihə ölkəmizin rəqəmsallaşmasında, Azərbaycanın regional rəqəmsal mərkəzə çevrilməsində əhəmiyyətli rol oynayacaq.

Qeyd edək ki, “The Great Innovation” adlı görüşün keçirilməsində məqsəd innovasiya, rəqəmsallaşma və telekommunikasiya sahələrində fəaliyyət göstərən dövlət və özəl təşkilatların nümayəndələrini, ekspertləri bir araya gətirmək, bu sahədə mövcud vəziyyət, yenilikləri müzakirə etmək olub.  

“Azerconnect Group” ölkəmizin dinamik şəkildə inkişaf edən İKT və yüksək texnologiyalar sahələrində fəaliyyət göstərən şirkətdir. “Azerconnect Group” mobil, internet, beynəlxalq kanalların təşkili və FinTech, AdTech, Media/TV kimi rəqəmsal xidmətlər təqdim edir. “Azerconnect Group” müxtəlif ölkələrdə enerji, telekommunikasiya, yüksək texnologiyalar və tikinti sahələrində fəaliyyət göstərən “NEQSOL Holding” beynəlxalq şirkətlər qrupunun tərkibinə daxildir.
 

Azərbaycanın ən böyük İKT şirkəti Azerconnect Group BMT-nin İnkişaf Proqramı tərəfindən “Gender İnklüziv İş yeri” mükafatına layiq görülüb. Mükafat BMT-nin Qadınların Səlahiyyətlərinin Genişləndirilməsi Prinsiplərinə (QSGP) həsr olunan mərasimdə təqdim edilib.

Tədbirdə Azerconnect Group tərəfindən həm şirkət daxilində, həm də cəmiyyətdə gender bərabərliyi və inklüziv mühitin inkişafı üzrə həyata keçirilən uğurlu layihələr, irəli sürülən təşəbbüslər barədə geniş məlumat verilib. Eyni zamanda, Azerconnect Group-un iki il ardıcıl olaraq nüfuzlu “Top Employers Institute” tərəfindən “Ən Yaxşı İşəgötürən” kimi seçilən yeganə yerli şirkət olduğu vurğulanıb.  

Qeyd edək ki, Azerconnect Group 2022-ci ildə BMT-nin Qadınların Səlahiyyətlərinin Genişləndirilməsi Prinsiplərinə qoşulub. BMT-nin Qlobal Sazişi və BMT Qadınlar üzrə Agentliyi tərəfindən hazırlanan Qadınların Səlahiyyətlərinin Genişləndirilməsi Prinsipləri şirkətləri beynəlxalq əmək və insan hüquqları standartları barədə məlumatlandırır, həmçinin korporativləri gender bərabərliyi və qadınların səlahiyyətlərinin artırılmasına dəvət edir. QSGP Azərbaycanda BMT-nin İnkişaf Proqramının Cənubi Qafqazda Qadınların İqtisadi Səlahiyyətlərinin Artırılması layihəsi çərçivəsində həyata keçirilir. 

Azerconnect Group ölkəmizin dinamik şəkildə inkişaf edən İKT və yüksək texnologiyalar sahələrində fəaliyyət göstərən şirkətdir. Azerconnect Group mobil, internet, beynəlxalq kanalların təşkili və FinTech, AdTech, Media/TV kimi rəqəmsal xidmətlər təqdim edir. 

Azerconnect Group müxtəlif ölkələrdə enerji, telekommunikasiya, yüksək texnologiyalar və tikinti sahələrində fəaliyyət göstərən NEQSOL Holding beynəlxalq şirkətlər qrupunun tərkibinə daxildir.