Azerconnect Group

Azerconnect Group-un baş direktoru Emil Məsimov Mentorluq Proqramı çərçivəsində beşinci “Yüksəliş” müsabiqəsinin qalibi Məmməd Həsənovla növbəti görüşü keçirib. 

Görüşdə fərdi inkişaf planı üzrə əldə olunan nəticələr, qarşıya qoyulmuş hədəflər və növbəti mərhələnin prioritetləri nəzərdən keçirilib. Eyni zamanda, çoxşaxəli biznes ekosisteminin xüsusiyyətləri, biznesdə transformasiya yanaşmaları və kapital bazarlarının fəaliyyəti ətrafında fikir mübadiləsi aparılıb. 

Emil Məsimov idarəetmə sahəsindəki təcrübəsini bölüşərək mentiyə strateji düşüncə, səlahiyyətlərin düzgün bölüşdürülməsi və komandanın effektiv idarəolunması ilə bağlı praktiki tövsiyələr verib. 

“Yüksəliş” müsabiqəsi haqqında 

“Yüksəliş” müsabiqəsi Azərbaycan Respublikasının Prezidenti cənab İlham Əliyevin 26 iyul 2019-cu il tarixində imzaladığı Sərəncamla təsis olunub. Müsabiqə qalibləri mentorlar tərəfindən birillik fərdi inkişaf planı və özünüinkişaf üçün 20 min manat məbləğində pul mükafatı əldə edirlər. 

Sayca altıncı “Yüksəliş” müsabiqəsinin keçirilməsi ilə bağlı Azərbaycan Respublikasının Prezidenti cənab İlham Əliyev tərəfindən 10 dekabr 2025-ci il tarixində müvafiq Sərəncam imzalanıb. 

Azerconnect Group haqqında 

Yüksək texnologiyalar sahəsində özəl sektorun ən böyük təmsilçisi olan Azerconnect Group 9 şirkəti özündə birləşdirməklə mobil, internet, beynəlxalq kanalların təşkili, FinTech, AdTech, Media/TV sahələrində 6 milyona yaxın müştəriyə rəqəmsal xidmətlər təqdim edir. 4000-dən çox mütəxəssisin çalışdığı Azerconnect Group Azərbaycanın ən böyük işəgötürən şirkətlərindən biridir.  

Azerconnect Group müxtəlif ölkələrdə və sahələrdə fəaliyyət göstərən NEQSOL Holding beynəlxalq şirkətlər qrupunun tərkibinə daxildir. 

Azerconnect Group-un baş direktoru Emil Məsimov Rəqəmsal Əməkdaşlıq Təşkilatının (DCO) baş katibi Deemah AlYahya ilə görüş keçirib.

Görüş zamanı Azerconnect Group-un İKT sahəsində təqdim etdiyi xidmətlər, həyata keçirdiyi layihələr, rəqəmsal iqtisadiyyatın inkişafında özəl sektorun rolu, həmçinin tərəflər arasında əməkdaşlıq perspektivləri barədə fikir mübadiləsi aparılıb.

Görüşdə, həmçinin qlobal texnologiya şirkətləri və beynəlxalq təşkilatlarla əməkdaşlığın genişləndirilməsinin, yeni texnologiyaların tətbiqinin və təcrübə mübadiləsinin əhəmiyyəti vurğulanıb.

Yüksək texnologiyalar sahəsində özəl sektorun ən böyük təmsilçisi olan Azerconnect Group 9 şirkəti özündə birləşdirməklə mobil, internet, beynəlxalq kanalların təşkili, FinTech, AdTech, Media/TV sahələrində 6 milyona yaxın müştəriyə rəqəmsal xidmətlər təqdim edir. 4000-dən çox mütəxəssisin çalışdığı Azerconnect Group Azərbaycanın ən böyük işəgötürən şirkətlərindən biridir.

Azerconnect Group müxtəlif ölkələrdə və sahələrdə fəaliyyət göstərən NEQSOL Holding beynəlxalq şirkətlər qrupunun tərkibinə daxildir.

TƏBİB və Azerconnect Group arasında vətəndaşlara göstərilən tibbi xidmətlərin operativliyinin artırılması və müasir texnoloji həllərin tətbiqi məqsədilə əməkdaşlıq müqaviləsi imzalanıb.

İmzalanmış müqaviləyə əsasən "103" Çağrı Mərkəzinin texnoloji imkanlarının genişləndirilməsi, təcili və təxirəsalınmaz tibbi yardım xidmətinin səmərəliliyinin artırılması məqsədilə süni intellekt əsaslı təkmilləşdirilmiş naviqasiya həllərinin tətbiqi baş tutacaq. Həmçinin tərəfdaşlıq çərçivəsində vətəndaş çağırışlarının yerinin məkan üzrə daha dəqiq müəyyən edilməsi, təcili tibbi yardım briqadalarının hərəkətinin optimallaşdırılması və hadisə yerinə çatma müddətinin daha effektiv idarə olunmasına imkan yaradan texnoloji həllərin icrası planlaşdırılır. 

TƏBİB-in İcraçı direktoru Anar Bayramov qeyd edib ki, sözügedən müqavilə vətəndaşlara göstərilən tibbi xidmətlərin keyfiyyətinin artırılmasına və nəticədə vətəndaş məmnuniyyətinin yüksəldilməsinə yönəlib: "Məqsədimiz təcili və təxirəsalınmaz tibbi yardım xidmətinin müasir tələb və çağırışlara uyğun inkişafını təmin etməklə vətəndaşlara daha operativ tibbi yardım göstərməkdir. Bu istiqamətdə həyata keçirilən rəqəmsal transformasiya tədbirləri resurslardan səmərəli istifadəyə, təcili tibbi yardım komandalarının koordinasiyasının daha da təkmilləşdirilməsinə və hadisə yerinə çatma müddətinin azaldılmasına xidmət edəcək. “Azerconnect Group” ilə əməkdaşlıq da məhz bu strateji inkişaf xəttinin mühüm tərkib hissəsidir”.

“Azerconnect Group”un baş direktoru Emil Məsimov isə əməkdaşlıq çərçivəsində tətbiqi nəzərdə tutulan yeni nəsil texnoloji həllərin tibbi xidmətlərin daha çevik və vətəndaşyönümlü təşkilinə mühüm töhfə verəcəyini bildirib: “Qrup şirkətlərimizdə geniş əhali kütləsinə telekommunikasiya, internet və digər rəqəmsal xidmətlərin təqdim edilməsi üzrə uzun illərdən bəri ciddi təcrübə formalaşmışdır. İnanıram ki, yüksəkkeyfiyyətli xidmətlərin təqdim olunması və ən yeni texnoloji həllər tətbiqində qazandığımız bu zəngin təcrübə TƏBİB ilə əməkdaşlığımıza xüsusi dəyər qatacaq”.

Qeyd edək ki, tərəflər "103"ə daxil olan səsli zənglərin avtomatik təhlili, istifadəçi davranışlarına uyğun xidmət və məlumatların təqdim olunması, eləcə də digər innovativ həllərin tətbiqi istiqamətində də əməkdaşlıq edəcəklər.