Azerconnect şirkəti Azərbaycanın ən yaxşı işəgötürəni seçilib

Azerconnect şirkəti dünyanın nüfuzlu “Top Employer Institute” (Ən Yaxşı İşəgötürənlər İnstitutu) tərəfindən 2023-cü il üzrə Azərbaycanda “Ən Yaxşı İşəgötürən” şirkət sertifikatına layiq görülüb.

“Top Employer İnstitute” tərəfindən 2023-cü il üzrə Azərbaycanda bu nüfuzlu mükafata sahib olmaq şirkətin iş dünyasına daha yaxşı bağlılığını, eləcə də  şirkətdə insan resurları siyasəti və təcrübəsinin mükəmməl tətbiqini göstərir.

Azerconnect şirkəti “Top Employer İnstitute” tərəfindən insan resursları sahəsində biznes və insan strategiyası, iş mühiti, istedadların cəlb edilməsi, öyrənmə, müxtəliflik, bərabərlik və inklüzivlik, rifah və sair daxil olmaqla 20 sahədən ibarət 6 istiqamət üzrə qiymətləndirib və mükafata layiq görülüb.

“İnsan kapitalının idarə edilməsi üzrə ən son yeniliklərin tətbiqi sayəsində öz biznes fəaliyyətimizdə xeyli uğurlara nail olmuş və ölkəmizdə bir sıra yeniliklərə imza atmışıq. Şirkətimizin daha yaxşı iş yerinə çevrilməsi istiqamətində göstərdiyimiz səylərin “Top Employer Institute” tərəfindən də qiymətləndirilməsi və nüfuzlu mükafata layiq görülməyimizdən məmnunam”, - deyə Azerconnect şirkətinin Baş Direktoru Emil Məsimov qeyd edib.

“Azerconnect şirkəti olaraq İnsan Resursları sahəsində yüksək standartların tətbiqi, əməkdaşlarımıza layiqli iş şəraitinin təmin edilməsi istiqamətində ən yaxşı təcrübələri icra edirik. Bunun üçün biz çevik iş şəraiti, peşəkar inkişaf, karyera imkanları, inklüziv iş mühiti, liderlik və digər proqramlar ilə əməkdaşlarımızın davamlı inkişafına töhfə vermək istiqamətində çalışırıq. “Top Employer Institute” tərəfindən Azərbaycanda ən yaxşı işəgötürən şirkət olaraq seçildiyimiz üçün qürur hissi keçiririk. Bu sertifikat Azerconnect olaraq fəaliyyətimizin ən yaxşı beynəlxalq təcrübələrə əsaslandığının göstəricisidir”, -  deyə Azerconnect şirkətinin İnsan Resursları üzrə Baş Müdiri Mətanət Babayeva bildirib.

“Müstəsna zamanlar insanlarda və təşkilatlarda ən yaxşıları ortaya çıxarır. Biz bu il Ən Yaxşı İşəgötürənlərin Sertifikatlaşdırma proqramımızda bunun şahidi olduq. İnsan Resursları sahəsində mükəmməl strategiyası, siyasəti və təcrübələri ilə Azerconnect şirkəti işçilər üçün daha yaxşı iş yerinin yaradılmasına sadiq olduğunu, eləcə də əməkdaşların inkişafı və rifahının şirkət üçün prioritet olduğunu nümayiş etdirir. Bununla onlar kollektiv şəkildə iş dünyasını zənginləşdirirlər. Biz bu ilki aparıcı insan yönümlü işəgötürən şirkətlərin qrupunu elan etməkdən qürur hissi duyuruq”, - deyə Top Employer Institutunun Baş direktoru David Plink qeyd edib.

“Top Employer Institute” insan təcrübələrində mükəmməlliyin tanınması üzrə qlobal təşkilatdır. Təşkilat iş dünyasını zənginləşdirmək üçün təcrübələri sürətləndirməyə dəstək göstərir. “Top Employer İnstitute”nin Sertifikatlaşdırma Proqramı vasitəsilə iştirakçı şirkətlər təsdiqlənə, sertifikatlaşdırıla və ən yaxşı iş yeri olaraq kimi tanına bilər. 30 ildən artıq bir müddətdir ki, fəaliyyət göstərən “Top Employers Institute” 121 ölkədə/regionda 2053 təşkilatı sertifikatlaşdırmışdır. Bu sertifikatı əldə etmiş Ən Yaxşı İşəgötürənlər qlobal miqyasda 9,5 milyondan çox işçinin həyatına müsbət təsir göstərirlər.

Azerconnect ölkənin dinamik şəkildə inkişaf edən İKT və yüksək texnologiyalar sahələrində müxtəlif xidmətlər təqdim edən ilk B2B (Business to Business - Biznesdən biznesə) şirkətidir.   

Azerconnect NEQSOL Holding beynəlxalq şirkətlər qrupunun tərkibinə daxildir.

Azerconnect şirkətindən Türkiyəyə 5 milyon TL dəstək

Azerconnect şirkəti Türkiyədə zəlzələdən zərər çəkmiş şəxslərə dəstək məqsədilə 5 milyon türk lirəsi yardım edib.

Dəstək Türkiyənin Daxili İşlər Nazirliyinin Təbii Fəlakət və Fövqəladə Hallar Agentliyinə (AFAD) edilib.

Bu dəhşətli zəlzələdə həyatını itirənlərə rəhmət, yaxınlarına başsağlığı, xəsarət alanlara isə şəfa diləyirik. Türkiyənin bu faciənin fəsadlarını ən qısa zamanda aradan qaldıracağına inanırıq!

Azerconnect ölkənin dinamik şəkildə inkişaf edən İKT və yüksək texnologiyalar sahələrində müxtəlif xidmətlər təqdim edən ilk B2B (Business to Business - Biznesdən biznesə) şirkətidir.

Azerconnect NEQSOL Holding beynəlxalq şirkətlər qrupunun tərkibinə daxildir.

Azerconnect və AzerTelecom şirkətlərinin rəhbərliyi tələbələrlə görüşüb

Azerconnect və AzerTelecom şirkətlərinin rəhbər heyətinin Azərbaycan Dövlət Neft və Sənaye Universitetində təhsil alan tələbələrlə “Gələcəyin sənin əlindədir” mövzusunda görüşü baş tutub.

Azərbaycan Dövlət Neft və Sənaye Universiteti ilə əməkdaşlıq şəraitində təşkil olunmuş tədbirdə Univesitetdə informasiya texnologiyaları istiqaməti üzrə təhsil alan tələbələr iştirak edib.

Tələbələrlə şirkətlərin rəhbər heyətinin görüşünün təşkilində məqsəd tələbələrlə geniş fikir mübadiləsinin aparılması, onların ölkəmizdə telekomunikasiya sektorunun gələcəyi, İKT sahəsində müasir tendensiyalarla tanış edilməsi, Azerconnect və AzerTelecom şirkətlərində tələbələr üçün mövcud iş, təcrübə imkanlarının diqqətə çatdırılması və şirkətlərin rəhbərliyi ilə tələbələr arasında birbaşa ünsiyyətin qurulmasıdır.

Tədbirdə Azerconnect şirkətinin İnsan resursları üzrə baş müdiri Mətanət Babayeva, İnformasiya texnologiyaları üzrə direktoru Pərviz İsmayılov, eləcə də AzerTelecom şirkətinin Baş icraçı direktoru Ana Nakaşidze iştirak ediblər. Spikerlər İKT sahəsində gələcəyin peşələri, İT və telekommunikasiya sektorunun gələcək inkişafı, bu günün və gələcəyin interneti kimi mövzular ətrafında danışıb, tələbələrin çoxsaylı suallarını cavablandırıblar. Tədbir Azərbaycan Dövlət Neft və Sənaye Universitetinin rektorunun İnformasiya texnologiyaları və innovasiyalar üzrə müşaviri Rasim Abdullayevin moderatorluğu ilə keçirilib.

Azerconnect şirkəti ölkənin dinamik şəkildə inkişaf edən informasiya, kommunikasiya və yüksək texnologiyalar sahəsində müxtəlif xidmətlər təqdim edən ilk B2B (Business to Business - Biznesdən biznesə) şirkətdir. AzerTelecom şirkəti isə Azərbaycanın aparıcı topdansatış telekommunikasiya operatorudur. Azerconnect və AzerTelecom müxtəlif sahələrdə və ölkələrdə fəaliyyət göstərən NEQSOL Holding beynəlxalq şirkətlər qrupunun tərkibinə daxildir.

Azerconnect şirkətinin rəhbər heyəti ADA Universiteti tələbələri ilə görüşüb

Azerconnect şirkətinin rəhbər heyətinin ADA Universitetində təhsil alan tələbələrlə görüşü baş tutub.

Tədbirin keçirilməsində məqsəd tələbələrlə şirkətin rəhbər heyəti arasında birbaşa ünsiyyətin qurulması, tələbələrin şirkətin təqdim etdiyi imkanlar barədə məlumatlandırılması, onların fikir və təkliflərinin dinlənilməsi və İKT sahəsində gələcək karyera inkişafı ilə bağlı müzakirələrin aparılması olub.

Çıxış edənlər telekommunikasiya sektorunun gələcəyi, İKT sektorunda müasir tendensiyalar  və bu sferada iri işəgötürənlərdən biri olan Azerconnect şirkətində tələbələr üçün nəzərdə tutulan iş və təcrübə imkanları barədə ətraflı məlumat verib, həmçinin gənc  qadınların da informasiya texnologiyaları sahəsinə cəlb edilməsi və onlar üçün  karyera imkanları barədə danışıblar.

“İnsan resurslarının davamlı inkişafı, şirkətimizə gənc istedadların cəlb edilməsi fəaliyyətimizdə əsas istiqamətlərdəndir. Bu səbəbdən biz ökəmizdə müxtəlif Universitetlərlə qarşılıqlı əməkdaşlıqda maraqlıyıq. Sürətli rəqəmsallaşma dövründə biz gənc xanımların və qadınların İKT sahəsinə cəlb edilməsi istiqamətində də müxtəlif layihələr icra edir, şirkətimizdə gender bərabərliyinə, inklüzivliyə və təşkilati inkişafa aparan dayanıqlı bir iş mühiti formalaşdırırıq”, deyə Azerconnect şirkətinin İnsan resursları üzrə baş müdiri Mətanət Babayeva bildirib.

Tədbirdə həmçinin Azerconect şirkətinin İnformasiya Texnologiyaları (İT) direktoru Pərviz İsmayılov, İT üzrə tələblərin və keyfiyyətin idarəedilməsi şöbəsinin müdiri Anar Abdullayev, İT Biznes inkişafı üzrə bölmə rəhbəri Kəmalə Adilova, eləcə də AzerTelecom şirkətinin Baş icraçı direktoru Ana Nakaşidze çıxış edib, tələbələrin çoxsaylı suallarını cavablandırıblar.

Azerconnect şirkəti ölkənin dinamik şəkildə inkişaf edən informasiya, kommunikasiya və yüksək texnologiyalar sahəsində müxtəlif xidmətlər təqdim edən ilk B2B (Business to Business - Biznesdən biznesə) şirkətdir. Azerconnect müxtəlif sahələrdə və ölkələrdə fəaliyyət göstərən NEQSOL Holding beynəlxalq şirkətlər qrupunun tərkibinə daxildir.

"Azerconnect" şirkətinin nümayəndələrinin ADA Universitetində bir qrup tələbə ilə görüşü keçirilib

17 Oktyabr tarixində ADA Universitetində təhsil alan bir qrup gənc tələbə qızlarla "Azerconnect" şirkətinin nümyəndələrinin görüşü baş tutub. Fokus qrup formatında keçirilmiş görüşdə ADA Universitetində Karyera Xidmətinin rəhbəri Təranə Aslanova, "Azerconnect" şirkətinin İnsan resursları üzrə baş müdiri Mətanət Babayeva, İşçilərin transformasiyası və proqramları üzrə rəhbəri Elnarə Məcidova, İT müştəri və korporativ idarəetmə platformaları üzrə rəhbəri Renata Yusubova və Korporativ kommunikasiya bölməsinin rəhbəri Əlimərdan Sultanov iştirak ediblər.

Görüşün keçirilməsində məqsəd İKT sahəsi üzrə təhsil alan gənc tələbə qızların fikir və təkliflərinin dinlənilməsi, onların İKT sahəsində gələcək karyera inkişafları ilə bağlı müzakirənin aparılması, "Azerconnect" şirkətinin təqdim etdiyi iş və təcrübə imkanlarının tələbələrin diqqətinə çatdırılması olub. Görüşdə tələbələrin "Azerconnect" nümayəndələrinə ünvanladıqları çoxsaylı suallar cavablandırılıb.

Tədbirdə ADA Universitetində riyaziyyat, informasiya texnologiyaları, kompüter elmləri ixtisasları üzrə təhsil alan bir qrup tələbə iştirak edib.
 

"Azerconnect" arxa ofisin Transformasiyası üçün Oracle Fusion Bulud Tətbiqini seçir

Azərbaycan Respublikasının IT xidmətləri, kommunikasiya və yüksək texnologiyalar sahəsində lider şirkətlərdən biri olan "Azerconnect" maliyyə və insan kapitalının idarə olunması üçün Oracle Fusion Bulud tətbiqini seçib. Beləliklə, "Azerconnect" MDB regionunda "Oracle" xidmətini şirkətin fəaliyyətində uğurla tətbiq edən ilk telekommunikasiya şirkəti olub.

Şirkətin Oracle Fusion xidmətlərini tətbiq etməkdə əsas məqsədi biznes proseslərinin unifikasiyası və standartlaşdırılması, nəzarət və uyğunluq proseslərinin təkmilləşdirilməsi, arxa ofisin optimallaşdırılması və səmərəlilik  artımının sürətləndirilməsidir.

"Azerconnect" artıq Oracle Fusion Cloud Enterprise Resource Planning - ERP (Oracle Fusion Bulud Müəssisə Resurs Planlaması) və Oracle Fusion Cloud Human Capital Management – HCM (Oracle Fusion İnsan Resurslarının İdarəolunması) tətbiqlərindən istifadəyə başlayıb. Yeni həllər sayəsində "Azerconnect" məlumatların təhlili, dövrlərin bağlanması, hesabatların hazırlanması və açıqlanması, yeni əməkdaşların işə qəbulu və təlimlərin keçirilməsi, onların effektivliyinin idarəolunması, qiymətləndirilməsi, motivasiyası kimi gündəlik və rutin əməliyyatların avtomatlaşdırılmasına nail olacaq. Beləliklə, şirkətin əməkdaşları strateji biznes problemlərinin həllinə daha çox vaxt ayıra biləcəkdir.

"Azerconnect" şirkətinin Baş direktoru Emil Məsimovun sözlərinə əsasən, “Arxa ofis funksiyalarının transformasiyası bütün dünyada iri telekommunikasiya şirkətləri arasında trendə çevrilib. "Azerconnect" öz müştərilərinə daha rahat və müasir xidmət göstərmək üçün biznesin rəqəmsallaşdırılmasına yönəlik proqramları davamlı olaraq həyata keçirir. Artıq bulud həlli sayəsində xidmətlərlə bağlı bütün mümkün yenilənmələr və dəyişikliklər daha sürətlə baş verəcək və şirkətimiz innovasiya, yeni biliklər və kollektiv təcrübəyə daha sürətli çıxış əldə edəcəkdir”.

“Biz Oracle Cloud ERP tətbiqinə inteqrasiya və Oracle Cloud HCM tətbiqinin işə salınması ilə əhəmiyyətli transformasiya layihəsini bir ildən az müddət ərzində həyata keçirdik. Nəticədə İR və maliyyə istiqamətləri daha səmərəli fəaliyyət göstərir və əməkdaşlarımız artıq öz bilik və təcrübələrini biznesin təhlili və inkişaf etdirilməsinə yönəldə bilirlər. Bu yeniliklər hesabına departamentlərimizin əməkdaşları işlərini daha asan və səmərəli  şəkildə icra etməklə yanaşı, əsas diqqəti  təhlilə, maliyyə və İR sahəsində yeni biliklər qazanmağa istiqamətləndirirlər” – deyə "Azerconnect" şirkətinin Baş maliyyə direktoru Orxan Nəcəfov bildirib.

"Oracle" şirkətində ECEMEA (Şərqi və Cənubi Afrika, Orta Şərq və Afrika ölkələri) regionu Tətbiqlər üzrə vitse-prezident Waleed Abdel Hamid qeyd edib ki, “Oracle Fusion Cloud ERP və Oracle Fusion Cloud HCM kimi bulud xidmətlərinin tətbiqi "Azerconnect" şirkətinin İT, Maliyyə, Satınalma və İR departamentlərinin işinin səmərəliliyini əhəmiyyətli dərəcədə artırıb. Artıq İR və maliyyə sistemləri daha təhlükəsiz vahid məlumat platformasına qoşulub. Beləliklə, "Azerconnect" mütəmadi olaraq ən son, avtomatik yenilənmə funksiyalarından yararlanır”.

"Azerconnect" haqqında:

"Azerconnect" şirkəti ölkəmizin davamlı inkişaf etməkdə olan İKT və yüksək texnologiyalar sahəsində ilk B2B şirkətdir. Şirkət "NEQSOL Holding" beynəlxalq şirkətlər qrupunun tərkibinə daxildir. "NEQSOL Holding" beynəlxalq şirkətlər qrupu səkkiz ölkədə enerji, telekommunikasiya, yüksək texnologiyalar və tikinti sahələrində fəaliyyət göstərir.

"Oracle" haqqında:

"Oracle" kompleks tətbiqlər dəsti ilə yanaşı Oracle Cloud xidmətində təhlükəsiz və avtonom infrastruktur təklif edir. Oracle (NYSE: ORCL) barədə əlavə məlumatı www.oracle.com saytından əldə edə bilərsiniz.

“Azerconnect” şirkətinin İnformasiya və Texnologiyalar üzrə Baş direktoru “Dördüncü Sənaye İnqilabında Trendlər” tədbirində çıxış edib

Fevralın 23-də Dünya İqtisadi Forumunun Dördüncü Sənaye İnqilabı Şəbəkəsinin afilə edilmiş Azərbaycan Mərkəzinin rəsmi açılışına həsr olunmuş “Dördüncü Sənaye İnqilabında Trendlər” mövzusunda tədbir keçirilib.

Tədbir çərçivəsində “Azerconnect” şirkətinin İnformasiya və Texnologiyalar üzrə Baş direktoru Özgür Genç “Əşyaların interneti (Əİ) cihazlarının şəbəkəyə çıxışı və əlaqələndirilməsi” adlı panel sessiyasında məruzəçi qismində çıxış edib.

Panel sessiyası “Bakcell” MMC-nin İctimaiyyətlə Əlaqələr və Korporativ Kommunikasiya üzrə direktoru Süheyla Cəfərovanın moderatorluğu ilə baş tutub.

Özgür Genç öz çıxışında əşyaların internetinin sənaye və biznes üçün faydaları, bu texnologiyalardan müəssisələrin fəaliyyət istiqamətləri üzrə istifadəsi barədə ətraflı məlumat verib. O, bağlantı xidmətlərinin inkişafının əşyaların internetinin formalaşmasına verdiyi töhfədən danışıb, həmçinin,  GSM şirkətlərinin əşyaların internetinin tətbiqi ilə bağlı biznes sahəsini təmsil edən müştərilərlə əməkdaşlığı kimi məsələlərə toxunub.

Panel sessiyasında əşyaların interneti sahəsində ölkəmizdə nəzərdə tutulan tədbirlər və Türkiyə təcrübəsinin tətbiqi barədə müzakirə aparılıb, dinləyiciləri maraqlandıran suallara ətraflı cavab verilib.

Tədbir dövlət qurumlarının, Dünya İqtisadi Forumunun, elm və təhsil müəssisələrinin, özəl sektoru təmsil edən iri şirkətlərin nümayəndələri və mütəxəssislərinin iştirakı ilə baş tutub.

“Azerconnect” şirkəti ölkənin dinamik şəkildə inkişaf edən informasiya, kommunikasiya və yüksək texnologiyalar sahəsində müxtəlif  xidmətlər təqdim edən ilk B2B (Business to Business - Biznesdən biznesə) şirkətdir. 2013-cü ildə təsis edilmiş şirkət beynəlxalq standartlara uyğun müxtəlif İKT xidmətləri təklif edir. Azerconnect müxtəlif sahələrdə və ölkələrdə fəaliyyət göstərən NEQSOL Holding beynəlxalq şirkətlər qrupunun tərkibinə daxildir. NEQSOL Holding-in tərkibində olan şirkətlərin fəaliyyəti Böyük Britaniya, ABŞ, Türkiyə, Azərbaycan, Ukrayna, Gürcüstan, Qazaxıstan, Birləşmiş Ərəb Əmirlikləri və s. ölkələrdə enerji, telekommunikasiya, yüksək texnologiyalar və tikinti sahələrini əhatə edir.

“Azerconnect” şirkəti ən yaxşı çevik iş rejimi strategiyasına görə “HR Awards 2022” mükafatına layiq görülüb

Azərbaycanın dinamik şəkildə inkişaf edən İKT və yüksək texnologiyalar sahələrində fəaliyyət göstərən ilk B2B (Business to Business - Biznesdən biznesə) şirkət olan “Azerconnect” şirkəti “Baku International HR Forum”da “HR Awards 2022” mükafatına layiq görülüb.

“Azərbaycan İnsan Resursları İnstitutunun” təşkilatçılığı ilə 28 yanvar tarixində ölkəmizdə ilk dəfə keçirilmiş “Baku International HR Forum” insan resursları sahəsində tanınmış yerli və xarici ekspertləri, dövlət və özəl sektor üzrə ən peşəkar nümayəndələri bir araya gətirib.

Forum çərçivəsində “Azerconnect” şirkətinin İnsan resursları üzrə baş direktoru Mətanət Babayeva “Gələcək İnnovasiyalar” plenar sessiyasında əsas spiker qismində çıxış edib. O ölkənin İKT sektorunda ən böyük işəgötürənlərdən biri olan “Azerconnect” şirkətində İnsan resurslarının idarəolunması sahəsində icra olunan strategiyadan, xüsusilə İR sahəsində məlumatların emalı, istifadəsi və düzgün idarə olunmasından danışıb.

“Məlumatların təhlili - data analitikası qarşımızda böyük imkanlar açır. Bu, telekommunikasiya sektorunda şirkətlərin əməkdaşlara, müştərilərə və cəmiyyətə yönəlik daha çevik yanaşma sərgiləməsinə, məhsul və xidmətlər yaratmasına imkanı verir. Rəqəmsal transformasiya dövründə biz İR sahəsində məlumatları düzgün təhlil edərək onu məhz şirkətin və əməkdaşların inkişafında əlavə dəyərə çevirmək, daha uğurlu iş modeli qurmaq istiqamətində çalışır, innovativ texnoloji həllər tətbiq edirik. COVİD-19 pandemiyası başlayan zaman çox qısa müddətdə məhz datanın səmərəli təhlili ilə biz “FLEXcellence” proqramını tətbiq edərək hibrid iş rejiminə keçdik, ki bu da pandemiya şəraitində fəaliyyətimizi optimallaşdırmağa imkan verdi” - deyə Mətanət Babayeva bildirib.

Forum çərçivəsində Azərbaycanda ilk dəfə baş tutmuş “HR Awards 2022” mükafatlandırma mərasimində “Azerconnect” şirkəti “Ən yaxşı çevik iş rejimi strategiyası” nominasiyası üzrə bu mükafata layiq görülüb. Bu nominasiya üzrə şirkət ölkəmizdə ilk dəfə dəfə böyük işçi heyəti üçün məsafədən (distant) iş rejiminin optimal idarə edilməsini təmin edən innovativ çevik iş strategiyası olan “FLEXcellence” proqramını təqdim edib. Proqram şirkətə fəaliyyətini uğurlu beynəlxalq təcrübəyə uyğun innovativ həllərin tətbiqi ilə optimallaşdırmaq, hibrid iş modeli (həm məsafədən, həm də ofisdən) tətbiq etmək və COVID-19 pandemiyasının yaratdığı yeni normallıqlar şəraitində daha təhlükəsiz əmək şəraitini təmin etmək imkanı verib.

“Azerconnect” şirkəti ölkənin dinamik şəkildə inkişaf edən informasiya, kommunikasiya və yüksək texnologiyalar sahəsində müxtəlif  xidmətlər təqdim edən ilk B2B (Business to Business - Biznesdən biznesə) şirkətdir. 2013-cü ildə təsis edilmiş şirkət beynəlxalq standartlara uyğun müxtəlif İKT xidmətləri təklif edir. Azerconnect müxtəlif sahələrdə və ölkələrdə fəaliyyət göstərən NEQSOL Holding beynəlxalq şirkətlər qrupunun tərkibinə daxildir. NEQSOL Holding-in tərkibində olan şirkətlərin fəaliyyəti Böyük Britaniya, ABŞ, Türkiyə, Azərbaycan, Ukrayna, Gürcüstan, Qazaxıstan, Birləşmiş Ərəb Əmirlikləri və s. ölkələrdə enerji, telekommunikasiya, yüksək texnologiyalar və tikinti sahələrini əhatə edir.

Dövlət Məşğulluq Agentliyi ilə “Azerconnect” şirkəti arasında Anlaşma Memorandumu imzalanıb

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi ilə İKT bazarında ən böyük işəgötürənlərdən biri olan “Azerconnect” şirkəti arasında Anlaşma Memorandumu imzalanıb.

Sənədi Dövlət Məşğulluq Agentliyinin İdarə heyətinin sədri Mustafa Abbasbəyli və “Azerconnect” şirkətinin Baş direktoru Emil Məsimov imzalayıb.

Memoranduma əsasən, tərəflər arasında Agentliyin fəaliyyət istiqamətləri və qarşılıqlı maraq kəsb edən layihələr üzrə əməkdaşlıq qurulacaq, əmək bazarının tələblərinə uyğun işsiz və işaxtaran şəxslərin peşəyönümünün, peşə hazırlığının təmin edilməsi, bilik və bacarıqlarının artırılması istiqamətində “Azerconnect“ şirkəti ilə əməkdaşlıq ediləcək.

Sənəddə həmçinin, korporativ sosial münasibətlərin inkişafı istiqamətində təkliflərin hazırlanması, “Məşğulluq Marafonu” çərçivəsində “Azerconnect” tərəfindən Vətən müharibəsi şəhidlərinin ailə üzvlərinin və müharibədə yaralanmış qazilərin məşğulluğuna dəstəyin verilməsi və müvafiq fəaliyyətin həyata keçirilməsi, birgə innovativ layihələrin, tədbirlərin, forumların həyata keçirilməsi nəzərdə tutulub.

Memorandumda  sosial müdafiəyə xüsusi ehtiyacı olan və işə düzəlməkdə çətinlik çəkən şəxslər üçün əlavə iş yerləri və sosial müəssisələrin yaradılmasına marağın artırılması üçün Agentlik tərəfindən müxtəlif xarakterli həvəsləndirici tədbirlər, o cümlədən proqram və layihələrin həyata keçirilməsi, aktiv məşğulluq tədbirlərinə cəlb olunan şəxslərin fəaliyyətinin dəstəklənməsi və inkişaf etdirilməsi məqsədilə “Azerconnect” şirkəti tərəfindən əlavə dəstəyin verilməsi, peşə hazırlığına cəlb olunan şəxslərin şirkətdə istehsalat təcrübəsi keçmələri və müvafiq işlə təmin olunmasına şirkət tərəfindən köməklik göstərilməsi öz əksini tapıb.

Peşə Təhsili üzrə Dövlət Agentliyi və Azerconnect şirkəti arasında Anlaşma Memorandumu imzalanıb

Peşə Təhsili üzrə Dövlət Agentliyi və Azerconnect şirkəti arasında əmək bazarının tələblərinə uyğun kadr hazırlığının dəstəklənməsi məqsədilə Anlaşma Memorandumu imzalanıb. Memorandum kadr ehtiyaclarının öyrənilməsi, razılaşdırılmış ixtisaslar üzrə kadr hazırlığının təşkil edilməsi və tədris proqramlarının hazırlanması istiqamətində birgə əməkdaşlığı nəzərdə tutur.

Peşə Təhsili üzrə Dövlət Agentliyinin direktoru Valeh Mirzalıyev bildirmişdir ki, “İşəgötürənlərin peşə təhsili və təlimi sisteminə inteqrasiyası strateji hədəflərdən biridir. Peşə təhsil müəssisələri əmək bazarının ehtiyaclarına uyğun kadrların hazırlanması istiqamətində işəgötürənlərlə müxtəlif səviyyələrdə əməkdaşlıq etməkdə hər zaman maraqlıdır. Bu istiqamətdə birgə əməkdaşlıq peşə təhsil müəssisələrinin real iş təcrübəsinə əsaslanan kadr hazırlığına dəstək göstərəcək.”

Azerconnect şirkətinin Baş direktoru Emil Məsimov qeyd etmişdir ki, “İKT sahəsində çalışan ən böyük işəgötürənlərdən biri olaraq yerli əmək bazarının fərqli imkanlarının öyrənilməsi və şirkətimizə peşəkar işçi qüvvəsinin cəlb edilməsini daim diqqət mərkəzində saxlayırıq. İnanırıq ki, Peşə Təhsili üzrə Dövlət Agentliyi ilə dövlət-özəl əməkdaşlığı formatında qurulan münasibətlərimiz peşə təhsilli vətəndaşlarımızın İKT sektorunda əmək fəaliyyətinə cəlb olunmasına, eləcə də yerli əmək bazarının potensialının daha da güclənməsinə öz töhfəsini verəcəkdir”.

Qeyd edək ki, artıq əməkdaşlıq çərçivəsində “Ön ofis/satış təmsilçisi”, “İPTV üzrə quraşdırma mütəxəssisi” və “Əlaqə Mərkəzi Operatoru” istiqamətləri üzrə təlimlərin icrasına başlanılıb. Təlimlər ənənəvi və ya hibrid formatda (həm onlayn, həm də ənənəvi) sahə üzrə çalışan mütəxəssislər tərəfindən tədris edilir. Təlimlərin keçirilməsində nəzəri biliklərlə bərabər, praktiki bacarıqların verilməsinə xüsusi önəm verilir.

İl ərzində əmək bazarının dəyişən ehtiyaclarını nəzərə alaraq, bir sıra yeni təlimlərin keçirilməsi nəzərdə tutulur. Eyni zamanda uzunmüddətli perspektivdə peşə təhsil müəssisələri tərəfindən bu tipli təlimlərin davamlı olaraq keçirilməsi planlaşdırılır.

Azerconnect əməkdaşları “Telekom üçün Data analitikası” vebinarında çıxış ediblər

Azerconnect şirkətinin əməkdaşları “Biznesin analitik transformasiyası 2021 konfransı” çərçivəsində keçirilmiş və telekommunikasiya sahəsində biznes analitikası və məlumatarın idarə olunmasına həsr olunmuş vebinarda iştirak ediblər.

MDB məkanında biznes və interaktiv analitika, İT konsaltinq, məlumatların inteqrasiyasının idarəedilməsi və digər əlaqəli sahələrdə fəaliyyət göstərən “RBC Group” tərəfindən təşkil edilmiş “Telekom üçün Data analitikası” vebinarında Azerconnect şirkətinin əməkdaşları - Xəzinədarlıq və Kredit Nəzarəti Departamentinin rəhbəri Şölə İsmiyeva və İntellektual Biznes Resurslar üzrə aparıcı proqramçı Cəmil Neymətov məruzəçi olaraq iştirak ediblər.

Cəmil Neymətov “Azerconnect-in rəqəmsal transformasiyası, Bİ platforma üçün vəzifələr” mövzusunda, Şölə İsmiyeva isə “Müştəri bazasının təhlili, Account Receivable” mövzularında təqdimat ediblər.

Cəmil Neymətov çıxışında Azerconnect şirkətində rəqəmsal transformasiya proseslərindən danışıb, şirkətin təqdim etdiyi xidmət və həllər barədə ətraflı məlumat verib. O “Azerconnect”in fəaliyyətində Böyük verilənlər (Big Data), Məlumat axını (Streaming), Layihənin həyat dövrü (Project Life Circle) və s. məsələlərdən ətraflı danışıb.

Şölə İsmiyeva isə maliyyə sahəsində məlumatların idarə olunması barəsində ətraflı məruzə edib. O, çıxışı zamanı müştəri borcu ilə bağlı məlumatların toplanması və təhlili zamanı qarşılaşılan problemlərdən danışıb, analitik tətbiqləri izah edərək praktik nümunələri qeyd edib.

Vebinarda ümumilikdə Azərbaycan, Ukrayna, Belarus, Qazaxıstan, Moldova, Gürcüstan, Özbəkistan və Qırğızıstandan telekommunikasiya sahəsində çalışan tanınmış şirkətlərinin nümayəndələri iştirak ediblər.

Azerconnect Azərbaycandakı Amerika Ticarət Palatasına üzv oldu

Ölkəmizin davamlı olaraq inkişaf edən informasiya, kommunikasiya və yüksək texnologiyalar sahəsində ilk B2B şirkət olaraq fəaliyyət göstərən Azerconnect şirkəti Azərbaycandakı Amerika Ticarət Palatası (AMCHAM) təşkilatına daimi statusla üzvlüyə qəbul olunub.

Qeyd edək ki, Azərbaycandakı Amerika Ticarət Palatası, Azərbaycanda yerləşən xarici və yerli təşkilatların maraqlarını dəstəkləyən və təşviq edən aparıcı qeyri-kommersiya assosiasiyadır. Təşkilat fərqli sahələrdə fəaliyyət göstərən şirkətləri birləşdirən, daim faydalı fikir mübadiləsinin aparıldığı, ən yaxşı şəbəkə imkanlarının təmin edildiyi nüfuzlu bir biznes platformadır. Azerconnect şirkəti də bu təşkilat çərçivəsində əməkdaşlığa öz dəstəyini göstərəcəkdir.

AMCHAM barədə: Təşkilat 1996-cı ildə təsis edilib və Azərbaycan iqtisadiyyatının hər bir sektorunda fəaliyyət göstərən 260-dan çox üzv şirkətlərdən ibarətdir. Ticarət Palatasının missiyası üzv təşkilatlara yüksək keyfiyyətli xidmət göstərərək, onların biznes maraqlarını təşviq edib və eyni zamanda Azərbaycanda biznes mühitinin təkmilləşdirilməsi üzərində çalışmaqdır. Təşkilatda 9 sənaye sektoru komitəsi vasitəsilə üzv şirkətlər məlumatları paylaşa, ümumi narahatlıq yaradan məsələləri qaldıra və mümkün olan həlləri təklif edə bilərlər.

Azerconnect barədə: Azerconnect MMC Azərbaycan Respublikasının dinamik şəkildə inkişaf edən informasiya, kommunikasiya və yüksək texnologiyalar sahələrində fəaliyyət göstərən ilk B2B (Business-to-Business - Biznesdən biznesə) şirkətdir. Şirkət 2013-cü ildə təsis edilib və İKT bazarında korporativ müştəriləri beynəlxalq standartlara uyğun olaraq fərqli xidmətlərlə təmin edir.

Azərbaycanda ilk dəfə böyük işçi heyəti üçün məsafədən işləmək imkanı yaradan “FLEXcellence” proqramının tətbiqinə başlanılıb

İnformasiya, kommunikasiya və yüksək texnologiyalar sahəsində fəaliyyət göstərən Azerconnect şirkəti ölkəmizdə ilk dəfə böyük işçi heyəti üçün məsafədən (distant) iş rejiminin optimal idarə edilməsini təmin edən innovativ “FLEXcellence” proqramının tətbiqinə başlayıb. Proqramın adı İngilis dilindəki “Flexible Excellence” söz birləşməsindən götürülüb və “Çevik mükəmməllik” mənasını ifadə edir. Şirkət bu proqramın yaratdığı imkanları öz əməkdaşları, eləcə də xidmət göstərdiyi təşkilatların əməkdaşları üçün təklif etməkdədir.

İş yeri və iş vaxtının idarə olunması ilə bağlı proqramın yaratdığı imkanlar müvafiq əmək fəaliyyəti üzrə məhsuldarlığa heç bir neqativ təsir olmadan işçiyə məsafədən (distant) işləmək seçimi verir. Bu isə öz növbəsində şirkətə fəalliyyətini uğurlu beynəlxalq təcrübəyə uyğun innovativ həllərin tətbiqi ilə optimallaşdırmaq, o cümlədən COVİD-19 pandemiyasının yaratdığı yeni normallıqlar şəraitində daha təhlükəsiz əmək şəraitini təmin etmək imkanı verir.

Şirkətin İnsan Resursları üzrə Baş müdiri Mətanət Babayeva bildirib ki, proqram ənənəvi iş yeri və iş vaxtı anlayışlarına fərqli bir yanaşmanı təqdim etməkdədir. “Tətbiq etdiyimiz hibrid iş modelinə əsasən, hər bir əməkdaş birbaşa rəhbəri ilə öncədən razılaşdırmaqla şirkətin inzibati ofislərində iş masasını xüsusi proqram vasitəsilə rezervasiya edib həftə ərzində müəyyən günlərdə ofisdən də çalışa bilər. Hibrid modelin tətbiqi əməkdaşlarımızın həm məsafədən işləməsi, həm də onlar arasında komanda işinin, sosiallaşmanın dəstəklənməsini təmin edir. Bu modelin tətbiqi daha çevik bir iş mühiti yaratmaqla bərabər yeni bir korporativ mədəniyyətin formalaşmasına da zəmin yaradacaqdır”-deyə Mətanət Babayeva bildirib.

Şirkətin Baş direktoru Emil Məsimov layihənin uğurundan danışaraq qeyd edib ki, İKT sahəsində fəaliyyət göstərən şirkət olaraq Azerconnect çevik idarəetmə mexanizmlərinin tətbiqində müasir texnologiyalardan maksimum faydalanmağa çalışır. “FLEXcellence” proqramı da məhz belə müasir texniki həllər sayəsində mümkün olub. Ehtiyatla yanaşdığımız bu dəyişiklik COVİD-19 pandemiyasının yaratdığı məcburiyyətlər fonunda uğurla sınaqdan keçirilib. İlkin nəticələr onu deməyə əsas verir ki, proqram təkcə səmərəli idarəetməyə deyil, həmçinin işçi heyətinin maddi rifahı, iş və şəxsi həyat balansının qorunmasına da öz ciddi töhfəsini verməkdədir”- deyə Emil Məsimov bildirib.

Azerconnect ölkəmizdə dinamik inkişaf edən İKT və yüksək texnologiyalar sahəsində fəaliyyət göstərən ilk B2B (Business-to-Business - Biznesdən biznesə) şirkətdir. 2013-cü ildə təsis edilmiş şirkət beynəlxalq standartlara uyğun olaraq İKT xidmətlərinin geniş çeşidini təqdim etməkdədir.

Azerconnect müxtəlif sahələrdə və ölkələrdə fəaliyyət göstərən NEQSOL Holding beynəlxalq şirkətlər qrupunun tərkibinə daxildir. NEQSOL Holding-in tərkibində olan şirkətlərin fəaliyyəti Böyük Britaniya, ABŞ, Türkiyə, Azərbaycan, Ukrayna, Gürcüstan, Qazaxıstan, Birləşmiş Ərəb Əmirlikləri və s. ölkələrdə enerji, telekommunikasiya, yüksək texnologiyalar və tikinti sahələrini əhatə edir.

Azerconnect Caspian Energy Cluba üzv oldu

Ölkəmizin davamlı olaraq inkişaf edən informasiya və kommunikasiya texnologiyaları sahəsində ilk B2B şirkət olaraq fəaliyyət göstərən “Azerconnect” şirkəti Xəzər-Qara dəniz və Baltik regionu dövlətləri ərazisində fəaliyyət göstərən regional təşkilat olan “Caspian Energy Club”a Qızıl statusla üzvlüyə qəbul olunub.

Qeyd edək ki, Caspian Energy Club Xəzər-Qara dəniz və Baltik regionu dövlətləri ərazisində ən müxtəlif sahələrdə çalışan şirkətləri birləşdirən, daim faydalı fikir mübadiləsinin aparıldığı nüfuzlu biznes platformadır. Azerconnect şirkəti də bu təşkilat çərçivəsində əməkdaşlığa öz dəstəyini göstərəcəkdir.

“Ölkəmizin İKT sektorunda böyük şirkətlərdən olan Azerconnect şirkətini təşkilatımızın sıralarında görməkdən məmnunuq. İnanırıq ki, qarşılıqlı faydalı əməkdaşlığımız həm təşkilatımızın, həm də şirkətin inkişafına öz töhfəsini verəcəkdir” – deyə Caspian Energy Clubun sədri və baş icraçı direktoru Telman Əliyev qeyd edib. 

Caspian Energy Club barədə: Sıralarında dünyanın 50 ölkəsindən olan 5 mindən artıq şirkət və təşkilatı birləşdirən Caspian European Club (rəsmi adla yanaşı dünyanın müxtəlif ölkələrində Caspian Business Club, Caspian European Club və CEIBC abbreviaturasından da istifadə olunur) 2002-ci ilin iyununda yaradılıb. Təşkilatın əsas məqsədləri sırasında üzv şirkətlərin Xəzər-Qara dəniz və Baltik regionunda və onun hüdudlarından kənarda xidmət və mallarının  lobbiləşdirilməsi, əlverişli investisiya və biznes mühitinin yaradılmasına kömək edən layihələrin irəli çəkilməsi, iqtisadiyyatın bütün sahələrində rəqəmsal iqtisadiyyatın, innovasiya və ekoloji cəhətdən təmiz texnologiyanın tətbiqinin lobbiləşdirilməsi, həmçinin kiçik və orta bizneslə iri biznes nümayəndələri arasında dialoqun yaradılması vardır.

Azerconnect barədə: “Azerconnect” MMC Azərbaycan Respublikasının dinamik şəkildə inkişaf edən informasiya və kommunikasiya texnologiyaları və yüksək texnologiyalar sahələrində fəaliyyət göstərən ilk B2B (Business-to-Business - Biznesdən biznesə) şirkətdir. Şirkət 2013-cü ildə təsis edilib və İKT bazarında korporativ müştəriləri beynəlxalq standartlara uyğun olaraq fərqli xidmətlərlə təmin edir.

“Azerconnect” şirkətinin Vətən Müharibəsində iştirak edən əməkdaşları ilə görüş keçirilib

“Azerconnect” şirkətinin 44 gün davam etmiş Vətən Müharibəsində iştirak edən 16 əməkdaşı ilə görüş keçirilib.

Görüşdə çıxış edən “Azerconnect” şirkətinin Baş icraçı direktoru Emil Məsimov Vətən Müharibəsi iştirakçıları olan əməkdaşlara onların göstərdiyi şücaətə və qəhrəmanlığa görə təşəkkür edib. Emil Məsimov Ali Baş Komandan, Prezident İlham Əliyevin rəhbərliyi altında Azərbaycanın möhtəşəm Zəfəri ilə başa çatmış bu hərbi əməliyyatlar nəticəsində erməni işğalı altında olan torpaqlarımızın azad olunduğunu və 30 illik həsrətin bitdiyini qeyd edib.

O hərbi əməliyyatların başladığı ilk günlərdən ölkəmizin rabitə və yüksək texnologiyalar sektorunda fəaliyyət göstərən “Azerconnect” şirkətinin əməkdaşlarının da bu əməliyyatlarda iştirak etdiyini, göstərdikləri igidlik və şücaətə görə müxtəlif medallarla təltif olunduqlarını vurğulayıb, şirkətin kollektivinin onlarla qürur duyduqlarını bildirib.

Çıxış edən Vətən Müharibəsi iştirakçıları hərbi əməliyyatlar dövründə keçdikləri döyüş yolu bardə məlumat verərək onlara göstərilən diqqət və qayğıya görə təşəkkürlərini ifadə ediblər. 

Tədbirin sonunda Vətən Müharibəsi iştirakçılarına Təşəkkürnamələr və Fəxri Fərmanlar təqdim edilib.

“Azerconnect” MMC Azərbaycan Respublikasının dinamik şəkildə inkişaf edən informasiya və kommunikasiya texnologiyaları və yüksək texnologiyalar sahələrində fəaliyyət göstərən ilk B2B (Business-to-Business - Biznesdən biznesə) şirkətdir. Şirkət 2013-cü ildə təsis edilib və İKT bazarında korporativ müştəriləri beynəlxalq standartlara uyğun olaraq fərqli xidmətlərlə təmin edir.

Frankfurtda internet trafikində 10 Terabit/s-ə qədər rekord artım qeydə alınıb

Almaniyanın internet mübadilə operatoru “De-Cix” şirkəti bildirib ki, Frankfurtda yerləşən müəssisəsində internet trafikində pik göstərici - 10 Terabit/s trafik qeydə alınıb.

“Telecompaper” resursunun yazdığına əsasən, şirkət internet trafikində bu cür artımın səbəbini müəyyən edə bilməyib. Bildirilib ki, trafikdə artım Çempionlar Liqası, ABŞ-da baş tutmuş seçkilər, Almaniyada ikinci dəfə tətbiq olunan sosial izolyasiya tədbirləri və proqram təminatlarının yenilənməsinin birgə effekti ola bilər.

“De-Cix” ilkin olaraq internet trafikində cari ilin fevral ayında qeydə alınmış 8.3 Terabit\s göstəricinin ilinin sonunadək pik göstərici olaraq 9 Terabit\s təşkil edəcəyini proqnozlaşdırmışdı.

Qeyd edək ki, internet trafikində artım təkcə şirkətin Frankfurtda yerləşən müəssisəsində-mərkəzində deyil, həmçinin Nyu York və Madrid şəhərlərində yerləşən digər “De-Cix” İnternet mübadilə mərkəzlərində də qeydə alınıb.

Dünya üzrə internet bağlantısının orta sürətində dəyişikliklər

Sosial izolyasiya və karantin tədbirləri zamanı dünya üzrə internet bağlantısının orta sürətinin 6.31 faiz azalması haqqında “Betanews” portalı məlumat paylaşıb.

Qeyd edilir ki, bəzi regionlarda, xüsusilə Mərkəzi Amerika (26%), Şimali Afrika (18%), Yaxın Şərq istisna olmaqla Asiya (16%), Cənubi Amerika (16%) və Afrikanın bir çox bölgələrində (14%) daha əhəmiyyətli azalma müşahidə olunmuşdur. Karantin müddətində orta internet sürətinin ən çox azaldığı ölkələr isə Çin (51%), Panama (49%), Madaqaskar (38%), Çili (37%) və Peru (37%) olmuşdur.

Qərbi Avropa isə digər bölgələrlə müqayisədə internet bağlantısı sürətində ciddi azalma müşahidə etməyib. Belə ki, əvvəlki dövrlərlə qarşılaşdırıldıqda, bu regionun orta internet sürətində 4% kiçilmə qeydə alınmışdır. Regionun müxtəlif ölkələri arasında isə böyük fərqlər aşkarlanmışdır. Məsələn, İngiltərədə karantin dövründə 1.7 faiz azalma müşahidə olundu. Lakin Finlandiya (25%), Hollandiya (13%), Avstriya (10%), İtaliya (10%) və Norveç (7%) orta internet sürətində əhəmiyyətli dərəcədə azalma yaşadıqlarını bildiriblər.

Telekommunikasiya sektorunda ümumi vəziyyət

Hal-hazırda ümumi telekommunikasiya sektorunda vəziyyət necədir? “Research and Markets” bu sualı cavablandırmaq üçün telekommunikasiya bazarını araşdırmışdır. Məlum olur ki, COVID-19 böhranı ərəfəsində bu sahədə ciddi artım müşahidə olunmuşdur. Sosial izolyasiya tədbirləri çərçivəsində insanlar evdə qaldıqca rəqəmsal infrastruktur daha böyük əhəmiyyət qazanmışdır. Evdən çalışan, oxuyan və sosiallaşan insanların sayının artması öz növbəsində müştəri mövqeyində dəyişikliklərə yol açmışdır. Beləliklə, müştərilər artıq əlaqənin sürətindən daha çox etibarlılığına önəm verməyə başlayıblar. Analitiklərin fikrincə, pandemiyadan sonrakı dövrdə də etibarlı və dayanıqlı əlaqə prioritet olaraq qalacaq. Bu səbəbdən telekom operatorları müştəri gözləntilərini qarşılamaq üçün şəbəkə dayanıqlılığının gücləndirilməsi istiqamətində çalışmalıdırlar.

“PR Newswire” məlumat verir ki, telekom operatorları böhran vəziyyətində maddi çətinliklərlə qarşılaşan müştəriləri nəzərə alaraq sürətli dəyişikliklər həyata keçirmişlər. Bu isə müştərilər tərəfindən müsbət qarşılanmışdır. Belə bir nəticəyə gəlmək olar ki, operatorlar şəbəkə etibarlılığına diqqət yetirməklə yanaşı müştərilərə təqdim etdikləri paketlərdə istifadə olunan xidmətləri lazım gəldikdə artırmaq və ya azaltmaq kimi funksiyaları da müştərilər üçün aktivləşdirməklə müsbət müştəri təcrübəsi yarada bilərlər.

"WhatsApp" vasitəsilə təhlükəsiz və təmassız ödənişlər

Sosial media liderlərindən olan “Facebook” “Mastercard” ilə əməkdaşlığını yeni bir mərhələyə daşıyaraq, Braziliyada “WhastApp” mesajlaşma platforması vasitəsilə rəqəmsal ödəniş sahəsinə keçid edib. Sosial məsafənin qorunması üçün insanlar alternativ və təmassız ödəniş üsulları axtarışındadır, Braziliya istehlakçıları isə artıq “WhastApp” vasitəsilə pul köçürmələrini və ödənişləri rahat, təhlükəsiz və təmassız həyata keçirə bilərlər.

“Facebook” şirkətinin rəhbəri Mark Zukerberq bildirir: “Biz pul köçürmələrini şəkil paylaşmaq qədər asanlaşdırırıq. Həmçinin, kiçik bizneslərin “WhatsApp” vasitəsilə satış həyata keçirmələrini reallaşdırırıq.” Elə “Telecoms” portalı da bu yeniliyin “Facebook” komandası üçün olduqca əlverişli olduğunu qeyd edir. İlk növbədə, rəqəmsal ödənişlər dünyanın bütün bazarlarında məşhurlaşmaqdadır. Eyni zamanda, bu biznes modeli ənənəvi bank infrastrukturunun olmadığı regionlarda böyük inkişaf potensialına malikdir. Bunlarla yanaşı qeyd edilir ki, “WhatsApp” 2 milyarddan artıq aktiv istifadəçi bazasına sahibdir. Bu cür platformada yeni bir funksiyanın təqdim olunması isə daha rahat və əlverişli hesab edilir.

Belə bir texnoloji yenilik zamanı təhlükəsizlik tədbirləri də böyük əhəmiyyət daşıyır. “PR Newswire” portalının məlumatına əsasən, kredit və ya debit kartını tətbiqetmədə qeydiyyatdan keçirmək “Mastercard”ın ən müasir texnologiyası sayəsində yüksək təhlükəsizliklə təmin olunur. Belə ki, 16 rəqəmli kart nömrəsi yalnız “WhatsApp” daxilində çalışan və istifadəçinin şəxsi hesabına bağlı unikal bir şifrə ilə əvəz edilir.

Qlobal audio və video redaktə proqramları bazarında artım

Qlobal audio və video redaktə proqramları bazarı “Transparency Market Research” tərəfindən araşdırılmış və nəticələr yeni bir hesabatda öz əksini tapmışdır. “PR Newswire” portalı məlumat verir ki, həmin hesabatda 2020-2030-cu illər ərzində bu bazarın illik artım tempinin 7% olacağı proqnozlaşdırılır.

Maraqlısı budur ki, “Transparency Market Research” hesablamalarını cari vəziyyətlə əlaqələndirir: “COVID-19 virusunun yayılması səbəbindən insanlar evlərində qalmaqdadırlar, əyləncə vasitələri isə məhduddur. Bu məhdud proqramlar arasında video yükləmə platformaları xüsusi yer tutur. Bu platformalar nəinki istifadəçiləri əyləndirir, həm də daha çox izləyiciyə çatmaq imkanı verir.”
Nəticədə isə rəqəmsal media platformalarının artan tendensiyası qlobal audio və video redaktə proqramları bazarının böyüməsini sürətləndirir.

Qeyd edək ki, 2019-cu ildə Şimali Amerika qlobal audio və video redaktə proqramları bazarında aparıcı lider rolunu qoruyub saxlayıb. Bu isə başlıca olaraq dünyanın ən böyük media və əyləncə sənayesinə sahib ABŞ-da redaktə proqramlarının xeyli yayılmasından irəli gəlir. Həmçinin, Hindistan və Çin kimi ölkələrdə video yükləmə proqramları istifadəçilərinin sayı artır. Beləliklə də Asiya-Sakit Okean regionunun bu bazarda gücü artmaqdadır.

İstifadəçilərin ən çox vəsait xərclədiyi tətbiqetmələr

“Sensor Tower” şirkətinin analitikləri cari ilin aprel ayı üçün dünya miqyasında istifadəçilər tərəfindən ən çox pul xərclənən tətbiqetmələrin siyahısını hazırlayıb. Siyahı hazırlanarkən oyun tətbiqetmələri istisna olmaqla, “App Store” və “Google Play” göstəriciləri nəzərə alınıb və ümumi istifadəçi xərcləri əks olunub.

Beləliklə, ən çox istifadəçi vəsaiti cəlb etmiş “TikTok” siyahıya liderlik edir. Aprel ayı ərzində istifadəçilər bu tətbiqetməyə 78 milyon dollar xərcləmişlər. Maraqlıdır ki, “TikTok” gəlirlərinin 86.6 faizi Çin, 8.2 faizi isə Amerika istifadəçilərinin payına düşür.
İkinci yerdə təqribən 76 milyon dollar ümumi gəlir və son 12 ayda nümayiş etdirdiyi 57% artım ilə “YouTube” qərarlaşıb. “TikTok” tətbiqetməsindən fərqli olaraq “YouTube” gəlirlərinin böyük qismi (56.4%) amerikalı, 11 faizi isə yapon istifadəçilərin hesabına formalaşıb. Siyahıda növbəti yerlərə müvafiq olaraq “Tinder”, “Disney+” və “Tencent Video” sahiblik edir.

Smartfon bazarında dəyişikliklər

Müxtəlif analitik mənbələrə əsaslanaraq “Telecoms” portalı qlobal smartfon istehsalı və təchizatının azalmaqda olduğunu bildirir. Buna səbəb isə güclü iqtisadi bazarların bağlanması, təchizat zəncirlərinin pozulması və hər kəsin ehtiyat edərək, hadisələrin necə yekunlaşacağını gözlədiyindən istehlakçı xərclərinin azalmasıdır.

Eyni zamanda, “Deloitte” şirkətinin analitiklərdən ibarət TMT (Texnologiya, Media və Telekommunikasiya) komandası da hazırkı vəziyyəti nəzərə alaraq, 2020-ci il üçün təqdim etdiyi proqnozları yeniləmişdir. Buraya smartfon bazarı ilə bağlı hesablamaların kiçilməsi də aiddir.
“Telecompaper” məlumat verir ki, şirkət adətən illik proqnozlarını hər ilin dekabr ayında təqdim edir və bu zamana kimi heç vaxt onları ilin ortasında dəyişməmişdir. Lakin pandemiya, karantin, evdən çalışma və evdə təhsil, təchizat zəncirlərindəki axsamalar və istehlakçı xərclərindəki dəyişikliklər 2020-ci il hesabatına təsir göstərmişdir.
Cari il üçün “Deloitte” smartfon bazarında 5.8% artım olacağından xəbər verirdi. Lakin hazırda bildirir ki, qlobal bazarın 10% kiçiləcəyi daha çox ehtimal olunur. Həmçinin smartfon bazarını müşayiət edən tətbiqetmə, reklam və aksessuar bazarına aid hesablamalar da 459 milyard dollardan 393 milyard dollara endirilib.

Uzun dönəmdə isə smartfon və əlaqəli bazarlarda yenidən artım müşahidə ediləcəyi ehtimal olunur. Hətta smartfonla əlaqəli bazarlarda satışların real smartfon satışlarına nisbətdə daha sürətlə artacağı gözlənilir.

Həmkarımız televiziyada 5G haqqında danışdı.

“COVID-19" tipli pandemiyanın yayılmasında 5G texnologiyası niyə günahlandırılır? Bu sual İctimai TV-nin “Sabaha Saxlamayaq” verilişində müzakirə olundu.

Son zamanlarda bütün dünya gündəmində yer almış 5G və “COVID-19” haqqındakı konspiroloji nəzəriyyələr bir çoxlarını təşvişə salmışdır. Bu müəmmalara son qoymaq üçün isə 5G texnologiyası üzrə ekspertlər İctimai Televiziyanın qonağı oldular. Həmkarımız Rəşad Həsənli də verilişdə çıxış edərək 5G şəbəkəsi və onun üstünlükləri haqqında ətraflı məlumat verdi. Proqramda, həmçinin, bu texnologiyanın müxtəlif sahələrdə tətbiqi, faydaları və xüsusilə də təhlükəsizlik standartları müzakirə olundu.

Video konfrans bazarı inkişaf edir.

Cari vəziyyəti nəzərə alaraq, “PRNewswire” bir çoxlarını maraqlandıran suala cavab axtarır: Hansı sahə gələcək yatırımlar üçün daha əlverişlidir? Təbii ki, bu sahələrdən biri elə məhz qlobal video konfrans proqramları bazarıdır. Dünya əhalisinin böyük bir qisminin evdə qaldığı bu dönəmdə video konfrans xidmət provayderləri trafikdə yüksəlmə müşahidə etməkdədirlər. Məsələn, “Microsoft Teams” mart ayı ərzində gündəlik 44 milyon aktiv istifadəçi qeydə almışdır. Müqayisə üçün göstərilir ki, bu say ötən ilin noyabr ayı ərzində 25 milyona bərabər idi. “Microsoft” və “Cisco” kimi böyük şirkətlərin aparıcı rol oynadığı bu bazarın artan gəlirləri yeni şirkətləri də cəlb etməkdədir və bu da öz növbəsində bazarın inkişafına dəstək olacaqdır.

Hal-hazırda, beynəlxalq şirkətlər “Skype for Business” kimi video konfrans platformalarını onlayn müsahibələr keçirmək məqsədilə istifadə edirlər. Həmçinin, “Cisco” kimi şirkətlər yüksək təhlükəsizliyə malik video konfrans vasitələri təklif edirlər. Məsələn, “Cisco WebEx”-ə aid Süni İntellekt texnologiyası səs vasitəsilə qeydlər aparmağa imkan yaradır. Onlayn görüşlər isə asanlıqla redaktə olunaraq paylaşıla bilər. Evdən və uzaqdan işləmə mədəniyyətinin yayılması isə bu vasitələrin istifadəsini daha da artırır. Demək olar ki, istifadəçilərin 75%-i bu platformaların təşkilatlardakı iş məhsuldarlığını inkişaf etdirdiyini düşünür.

Şübhəsiz ki, internet, bulud və süni intellekt texnologiyalarının inkişafı sayəsində video konfrans proqramları bazarı əhəmiyyətli dərəcədə artım müşahidə edəcək. “Absolute Markets Insights” proqnozlaşdırır ki, dövlət orqanlarının Kiçik və Orta Sahibkarlığa və startap layihələrinə xüsusi diqqət yetirməsi sayəsində Asiya-Sakit Okean regionu bu sahədə ən yüksək artımla fərqlənəcək.

"COVID-19" şəbəkələri məhv etməyəcək.

Elektron Rabitə üzrə Avropa Tənzimləyiciləri (BEREC) qitə üzrə internet istifadəsi artma tempinin nisbətən sabitləşdiyini və şəbəkələrin bu gərginliyə davam gətirə bildiyini açıqlayıb. Bu barədə “Telecoms” portalında məlumat verilib.

Hazırda gülünc bir fikir kimi görünsə də, pandemiyanın ilk günlərində vəziyyətin kəskin dəyişməsinin sabit və mobil şəbəkələr üçün təhlükəli səviyyədə gərginliyə səbəb olacağı ilə bağlı narahatlıqlar vardı. BEREC-dən olan son məlumat narahatlığa səbəb olmadığının mesajını verir:

“30 milli tənzimləmə orqanı (NRA) böhranın telekommunikasiya şəbəkələrinə olan təsirləri və görülən tədbirlər haqqında öz məlumatlarını paylaşıb. Belə ki, ötən həftədən etibarən bir çox milli tənzimləmə orqanı ümumi trafikin sabitləşməsi, bəzi qurumlar isə ümumi trafikin hələ də artması barədə məlumat verdilər. Bizdə olan məlumata görə, bəzi operatorlar trafikin davamlı olaraq yüksəlməsinin öhdəsindən gəlmək üçün öz şəbəkə ehtiyatlarını gücləndirdilər. Heç bir ölçü götürməyən operatorlar isə hələ də öz şəbəkə ehtiyatları ilə bağlı hər hansı bir yeniliklərə ehtiyac olub-olmaması ilə bağlı davamlı monitorinq aparırlar”.

Telekom şirkətləri şəbəkələrinin kəskin şəkildə yüklənməsinin yaratdığı stresdən məmnun olmasalar da, bu onlar üçün faydalı bir sınaq oldu.

“Son həftələrdə gələcəklə bağlı bir çox cəsur proqnozlar səsləndirildi” - Nokia-nın Baş İcraçı Direktoru Rajeev Suri dedi. “İntuisiyam deyir ki, hər şey böhrandan əvvəlki vəziyyətinə qayıdacaq. Amma trend və texnologiyaların inkişafı daha da sürətlənəcək. Belə ki, uzaqdan işlərin və daha yaxşı ünsiyyət üçün video konfransların sayı artacaq”.

Uzaqdan iş və mobillik yavaş-yavaş inkişaf edən iki trend idi, lakin koronovirus sanki bir katalizator rolunu oynadı. Bəzi şirkətlər COVID-19-dan əvvəlki, normal rejimlərinə qayıdacaqlar, digərləri isə uzaqdan və sərbəst rejimlə çalışmanın faydalarını gördükləri üçün bəzi mühim dəyişiklikləri saxlayacaqlar.

"COVID-19" və Telekommunikasiya sektoru

"COVID-19" koronavirusunun yayılması təchizat xətlərinə təsir göstərməyə başlayıb. Telekommunikasiya cihazlarının bir çox komponenti məhz virusun başladığı Çində istehsal edildiyindən, telekom sənayesi də bu təsirdən sığortalanmamışdır.

“Telecomreview” portalına istinadən, artıq “Apple” şirkəti cari rüb üçün qazancının proqnozlaşdırılandan aşağı olacağını bildirib. Virusun dünya miqyasında yayılması və xüsusilə “Apple” cihazlarının əksəriyyətinin Çində istehsal olunması səbəbindən qlobal “iPhone” təchizatının müvəqqəti olaraq məhdudlaşacağı da qeyd olunub. Təchizat asılılığından əlavə olaraq, şirkət Çinin telekom bazarında böyük bir hissəyə sahibdir. Həmçinin “Telecoms” səhifəsi məlumat verir ki, potensial səyahət məhdudiyyətləri şirkət mühəndislərinin istehsala nəzarət etmək məqsədilə Asiyaya uçuşlarını məhdudlaşdırıb.

Bütün bunlara baxmayaraq, İKT sənayesi mövcud vəziyyəti doğru idarə etməklə, yaranmış xərcləri dolayı yollarla kompensasiya edə bilər. Belə ki, bir çox şirkətlərin əməkdaşları evdən işləməyə başlayıb. Nəticədə onlayn tətbiqetmə və platformalar vasitəsilə müştəri və həmkarlarla keçiriləcək görüşlərin artması gözlənilir. Bu isə video zəng və telefon danışıqlarının genişlənməsi ehtimalını xüsusilə yüksəldir.